Tabe’ dipadololamaban
lako lindo mairi,siman kupomata kalamban tama te’ kombongan sangullele sola
inde korompi tondok di sangalla,Sia mintu kombongan ,lakukua ma’kada kupaten
ma’pau-pau:
E mintu’ki to
sangullele to sangkaponan ao, rampo lembangmo inde tomaindan sumurruk tama
panggurandean randean kurre sumanga’,titu’tun koli-koli rara’mo kada dipomana’
kadanna Puang Matua.
Ee. Mintu’ki totama
tiku,ki kua kurresumanga’na langan Puang Matua tu Puangna mintu madandan
maritik,saba parayan lako Puang kapenombanta tu Puang unto gontingna attu
situka.Anta sirampunmo massola nasang lan te ma’totemo allo.Anta sipulung mo
sangga mairi’ lan tu kulla mapia dadi.
Saeki umpellambi’ te
disa’bu la si tontongan rupa, rampoki umpa’budai te digente la sitiro lindo lan
mamasena Puang matua.
Laun tanda bilangngi
totumanan,unnisung sikamali ln ossok peniogananna,tu mangka dipasundun di
saladan sukaran aluk panglisuanna kada dipomana’ sola pemali sanda saratu.
Denno upa anna tontong mepora lindo masakke,paraya dipoparaya anna tontong
mepi’pikii rupa marudinding.
Ki kua . . . . inde
kombongan tu unnisungmo sanginaa,ungkurre sumanga’I , sia untumangi
poleparaya.Tu mamaseNa Puang di Batara lan lontara’na makaraeng.tunapapayanmo
lako kombongan.Nasoronganmo allo maindan umpa misa penaa’, , umbangun kada
pa’painga,
Kurre-kurre sumanga’na
te’ allo ta tingayoi,pole parayanna te kulla tarande lulako anna tang
dipasalian rinding to allo pura diboko,tang la dipaleko’na mananga to kull
mangka dipelndui anna diala dandanan sangka.
Inde kombongan
sangngullele sudiang tungka sanganna to sangpulo a’pa kaompi’na anna misa
ba’bakna, nalambimo sangpulo misa taunna,sola bia’ tang pa’de apinna.
Denni mani pessoyanki
sola tengkaki tang rapa rampona lako mintu tomaindan lan te’kobongan,ki kua
tapatorro marampai massolanasang
Denno upa’ tapo upa’
paraya ta poparaya anna passakkeki’to tumampata, anta tontong situntuntunan
sitende pole paraya, anta masakke mairi’ marudinding sola nasang
keren. (y) mangat yah.
BalasHapusMantap
BalasHapusTang ku issan issan aku umbasai 😂
BalasHapusTangkuissan aku pokadai.
BalasHapusLuar biasa orang toraja
BalasHapusMantap
BalasHapusKata rambu Tuka ini
BalasHapus